【棍波的好處】揸架棍波先知,電子始終都代替唔到機械

【棍波的好處】揸架棍波先知,電子始終都代替唔到機械

ElectMotors
By Presslogic on 19 Mar 2018

玩棍波車先係叫做揸車,你有無同感?教你換棍波檢車要注意事項!

男士們你會唔會有個感覺,揸得多自動波有時都想試下玩棍波車?係呢個年代棍波車好似慢慢比科技淘汰,但係電子始終都代替唔到機械比到既快感,呢啲咪叫做人車合一。

Porsche-911-R-60-911-R-911-R-Type-991

揸架棍波車,好多人會覺得你係異類。不過有啲嘢,你有偏見、唔肯去接觸,就唔會知道佢好處,就好似棍波車,人車合一般嘅操控樂趣,推住波棍嘅一刻先會領會。所以喺呢個自動波車嘅世界,二手棍波車依然有市場,你又會唔會都想做「異類」?

170308_gt3_08

棍波車當然有佢獨特嘅好處,先會有班死硬派支持者。不過現時坊間除二手跑車有較多棍波選擇外,棍波版房車選擇相對較少,估計二手車市場中,棍波車佔有率不足半成,不過小眾並唔代表唔好, 棍波車其實好處唔少。

L1203_040__8_

除咗人所共知嘅駕駛樂趣,慳,係另一個優點。首先維修便宜,機械波箱維修較為簡單,連工包料 $2,000左右。而自動波箱往往由車廠自行研發,一般車房未必掌握維修技術,一輛廿萬左右嘅家庭車,換波箱便要3至4萬元。油費一樣有得慳,熟練駕駛棍波車,在適當轉數轉檔,耗油量一般會較自動波平宜1-2成。仲有,無電死火時可用人力推車,再行驅動,唔使周圍搵過江龍叉電咁狼狽。

 L1208_042__07_

換棍波車注意

棍波車同自動波車結構有別,揀二手棍波車時都有竅門。

斜路起步試離合器

試棍波車最好在斜路起步測試,如斜路鬆開離合器後感到開車無力,表示離合器可能受損。

檢查離合器油壓

棍波嘅原理係引擎動力經引擎飛輪傳至離合器再傳至波箱,當中分離軸承會令離合器和飛輪分離與接觸,油壓會影響分離軸承嘅操作,所以要保持適當油壓,驗車時要揭開頭冚檢查油泵水平。

防波棍損蝕

轉波時如發現波棍太鬆(即毋須用力便可擺動),就可能係波棍底部杯士損蝕,會造成入錯波嘅情況。

Text:MENELECT Editorial

Follow Instagram: men.presslogic

Share to Facebook