【現實係殘酷】8種狀況代表你年輕不再

【現實係殘酷】8種狀況代表你年輕不再

ElectLifeStyle
By Presslogic on 16 May 2018

通常唔覺唔覺年紀就大左。

可能你會話,都未到四十仲後生啊!咁嘅話,你不妨反思一下細心觀察吓呢個世界,你會發覺有好多嘢已經今時唔同往日,你唔認老都唔得喇!唉,係咁灰架喇。

bd7f-fypyuvc9435087
Photo from Internet

1. 開始為未來而擔憂

以前諗既係有咩好玩,有咩好食,WEEDNED去邊度癲好;人愈大責任都愈大,要煩既事物都接種而來,諗既係今個月夠唔夠錢比家用,未來有無錢供首期,仲未有女朋友,係咪要孤獨一世,同埋值唔值得呢?父母年老開始多病痛,係咪好快就要離開自己等等。

2. 曾經最好嘅朋友都開始疏遠

返咗工之後,大家都各有各忙,幾親密的朋友,也漸行漸遠,係睇社交平台先知道對方的近況,就算想同對方見個面、敘吓舊,都可能因為時間唔夾,或是怕dead air而約唔成。所以,如果你同你班朋友仲有聯絡的話,一定要好好珍惜,唔好等到大家疏遠咗先嚟後悔。

Read22_Image-b
Photo from Internet

3. 個身體開始唔及以前

以前通完頂都仲可以去睇日出、食埋個靚早餐先返學,依家瞓少幾粒鐘已經唔得掂,返工冇精神,開會恰眼瞓;個胃冇以前咁擦得,想話食buffet食返夠本都難;以前想隊啤就隊啤,依家淨係飲唔飲珍珠奶茶都要左諗右諗,吓吓都怕太甜,怕太肥,怕唔健康。梗係啦!年紀唔細,係要開始顧吓自己身子架喇!

4. 唔知依家潮流興咩
其實你已經同潮流脫咗節。唔知依家啲後生仔女講緊既潮語係咩意思;唔知佢哋興玩咩手機遊戲;唔知家吓有咩新蒲點;咩小鮮肉新韓團全部都噏唔出叫咩名,啲人年紀仲細過自己的話,你就唔好再叫自己做潮流達人喇!

5. 顧慮較以前多
從前年少輕狂,好多野都可以話做就做,話去就去;依家淨係問你聽晚去唔去飲嘢,你都要考慮兩個鐘;想話一個人去旅行散吓心,都要擔心呢樣擔心嗰樣,考慮咗成日,最後咪又係嗰句:唔好啦!聽日仲要返工啊!

螢幕快照 2018-05-16 下午4.21.58
Photo from Internet

6. 以前識既明星都要結婚生子和淡出

係你後生個陣喜歡既偶像都會一個一個有自己的家庭,甚至漸漸淡出娛樂圈,有天更會老去逝世。或者人在不再年輕的時候,就要習慣說再見。

7. 身邊的人都要相繼結婚
朋友個個情侶一對對,好多都漸漸拉埋天窗,甚至生小朋友,偏偏得你一個仲係單身狗。人愈大,就愈收得多紅色炸彈,呢啲都係人長大時,必須要面對的現實。

8. 只求一切簡簡單單
年青時候總係希望所有嘢都轟轟烈烈:生日要大搞,談戀愛要刻骨銘心,紀念日要舖張;人大咗之後,生日?求其食餐飯得啦!蛋糕都唔洗買,咪又係咁過;拍拖?簡簡單單喺屋企煎埋牛扒得啦!睇吓戲,食個麵,已經好滿足喇!

人年紀愈大,就會伴隨住更多的煩惱,亦會變得愈來愈現實。雖然係咁,盼望你仍然記得最初的自己,開開心心咁走往後的人生路啦!

v2-4dbad2bc78da92a9a7cbe41869944d17_r
Photo from Internet

Follow Instagram: men.presslogic

Share to Facebook